ذكريات من الماضي

كم بقى لي من الأيام كم ليل راح
مثل مر السحابه عمرنا والسنين
أمس نلعب مع الاطفال ضحك ومزاح
نجتمع ونتفرق صدق حب وحنين
لغربت شمس عدنا للعشا والمراح
ولأصبح الصبح شفنا ماء وعشبٍ وطين
كانت أيام حلوه بالفرح والسماح
والكرم والبساطه والعرب عايشين
والوفاء والشهامه بيننا والنصاح
وعزة النفس والطيبه وتلقا العوين
مع قصيدة وقصه في الليالي الملاح
وعودٍ أزرق وبن ومجلس الغانمين
والهجن والفروسيه ورمي السلاح
زينها من رياضه عادة الأولين
والنخل والشجر والرعد والبرق لاح
ثم هلت مزون الغيث وقتٍ وحين
الله أكبر زمانٍ فات فيه الفلاح
والسعد والوعد والطيب يالله تعين
ذكرياتٍ من الماضي تقلد وشاح
وتستحق الرياده لو تمر السنين
ويا عسى أيامنا دايم بخير وصلاح
وندعي الله يجعلنا من أهل اليمين