هذه القصيدة رثاء في صاحب السمو الأمير سعد بن خالد بن محمد آل سعود -رحمه الله-
يا حي يا قيوم يا مجري النود
يا مرسياً على البسيطة هضابه
الإنسان له يوم مقدر ومحدود
وما قدر الوالي لعبده رضابه
مرحوم يا مير الوفاء عيلم الجود
عون اليتامى والضعيف التجابه
سعد ولد خالد له الخير مشهود
جعله بدار الخلد يلقى ثوابه
في جنة الفردوس والظل ممدود
من سندس الجنة تلبس ثيابه
يالله عسى قبر تحت الأرض ملحود
روض من الجنة ونور ورحابه
جعل المزون للي لها برق ورعود
تمطر على قبره مزون السحابه
والشاهد الله والخلايق له شهود
تشهد له القاصين قبل القرابة
له في سبيل الخير فضل ومجهود
تسعين نعم في المشيب وشبابه
هداج تيماء اللي به الطيب معهود
ما ينحصي طيبه ودمثٍ جنابه
علم من أعلام الكرم ما له حدود
الاسرة وكل الشعب تبكي غيابه
يوم العزاء جات الخلايق له حشود
الافواج جات معزيه عند بابه
تجمعوا حكام وشيوخ واوفود
كلٍ تعتاله وكلٍ درابه
العلم في الاخبار ثابت وماكود
وشارع عليشه صار ما يمشابه
مات الأسد لكنّ من بعده أسود
سعود حي وقدوة يقتدا به
عسى العوض راسك يا بوخالد سعود
حاكم وكل الناس تحسب حسابه
يدوم عزك يا ذرى كل مضهود
لك في قلوب الناس حب ومهابه
لك مجلسٍ عامر وفاتح ومورود
تبلّج حجاجه ولاصك بابه
جعلك بخير ودايم الدوم في زود
اقبل دعانا يا سريع الاجابة
الشعر لا جا واجبه صار موجود
شعر يجمل شاعره لاعتزابه
وختامها يا سيدي نفحة العود
وأعداد من في البيت طاف وسعابه