هذه القصيدة في رثاء الشيخ متعب بن هندي الذويبي.. رحمه الله البارح الهم خيّم بالشبيكيّه وعلى القبيله من أقصاها إلى ادناها شاع الخبر وانتشر بانحاء السعوديّه ويا كم عين على الشيخ انثرت ماها الله يجبر قبيلة حرب في زيّه اللي خدمها من أدناها لأقصاها شيوخ وفي نجد شيختهم وراثيّه شيوخ سلالة من أولها ليا اتلاها لو يكثر الشعر فيهم ما وصل نيّه شيوخ تفوق القصيد بكل معناها لهم مع العود الاول وقفة حيّه اللي اعظامه عسى الفردوس ماواها وشيوخ ليا عاهدت ما تخلف النيّه يصدق ولاها وصادقة نواياها ويا الله عسى نفس ابو نواف مرضيّه ولعل في جنة الفردوس مثواها لو إن متعب فقيده ما هو شويّه لكن نفسٍ وخالقها تولاها وما في يد العبد لا حسنه ولا سيّه يارب ناس دعت له تقبل دعاها وعسى البقا في شيوخ نارهم حيّه شيوخ عرفها الزمن وإنّا عرفناها ومنا لخربوش دعوات إلهيّه هو سيفنا عقب شيبان فقدناها شيخ ليا قلت شيخ بغير سريّه فعله وطيبه فرضها ما فرضناها ووكيله اللي به المدحات مثنيّه حيث المدايح ببندر كل معناها أمير من نسل أمير وفيه ماريّه تواضع النفس واللي جاه يلقاها لو يكثر الشعر فيهم ما وصل نيّه شيوخ تفوق القصيد بكل معناها
