ويا مملكتنا عسى المعبود يحيي لك خادم بيوت الله المخلص ويبقالك

شرفت حفل تشرف بك وسوي لك
واخوانك أهل الرياض ومعهم عيالك
يقوله اللي وقف تشريف يهدي لك
مشاعر الطيبين بفرحة اقبالك
يا مرحباً كثر ماتبدي ويبدي لك
وكثر الحميا لدينك والحميا لك
وكثر اهتمامك وتكريمك وتفضيلك
للشرع والحق في حلك وترحالك
وكثر الولا والوفا والقيمة اللي لك
وفزاتنا من نشوف منكس عقالك
هذا والأجواد غير الحب تخفي لك
مكانة ما خلقها ربي الا لك
يا ماطر الخير يدرج بالحشا سيلك
متخالط مع غلاك وتشهد أفعالك
ويشهد لك اسمك وتكبيرك وتهليلك
وبعدك عن اللي يعاف الحر باقوالك
الله بنظرة رضاه مقوي حيلك
ودعى الجميع بتوال الليل يهدي لك
والشعب يشكر يا أبومتعب ويدعي لك
وأبشرك يا طويل العمر يدعي لك
فضل الولي ثم فضلك وانت في جيلك
ياكثر من ظللتهم دوحة أفضالك
يا ابن العديم اللي بنهجه يقدي لك
من كبر حظك وفالك حيّك وفالك
على يده قرنسك واجهد بتدهيلك
وهدك وعشيت من جيته ومن جالك
الله يبيحه ويغفر له ويبقى لك
اخوانك عضودك ويمناك ورجالك
أنت العزيز اللي فعولك تغذي لك
حب مع الناس متروك لك لحالك
العود لا جاك قلت أبشر وكلي لك
ودك ليا من شكى ما يشكي الا لك
وباقي المواطن من أدنى ما ينادي لك
الا تبش وتقول اهلا وش أحوالك؟؟
ان جاك فزيت له واصغيت يشكي لك
وأن انثنى ما وصل لك جاه مرسالك
لو يذكر انه من اقصى الدار يومي لك
روحت له من يقول أبشر وصلنا لك
كم كف دمع اليتيم أطراف منديلك
وكم حلت مابين سيف وراس بريالك
وكم سيل أقفى بشعب وقمت من ليلك
وهزعت له منكبك يرقى على جالك
أمثال زلزال باكستان خلي لك
شعبه كلته الشموس وطاح بظلالك
جاه المدد من فضل ربك وتسهيلك
وقام يتنعوش وهو قبل المدد هالك
وعلى كثر ما تسوي مسرج خيلك
على الحساني تغير ومتعب حالك
وعلى ثقل ما تشيل ويا ثقل شيلك
من قال تعبان؟؟ قلت أبداً يورا لك
يالمرتكي للحمل ما أقول عزي لك
الا بعد قدها وقدود وانا لك
عن من تشرفت باسمه عندك أرجي لك
طول العمر والسعد تمشي ويبرا لك
حقك جزا كل ما سويت واللي لك
كثر الدعا أنك تنول اللي على بالك
الجنة اللي عساها من منازيلك
جزاك فردوسها الاعلى مع أمثالك
ويا مملكتنا عسى المعبود يحيي لك
خادم بيوت الله المخلص ويبقا لك
يقوله اللي وقف تشريف يهدي لك
مشاعر أهل الرياض بفرحة اقبالك
تمت عسى اللي عطاك انه يخلي لك
وانه يهيي لك اللي ما تهيا لك
العقيد - فهد بن محمد السياري