قصيده رثاء في الأمير نايف للشاعر سعيد سعد بن عمر

قصيدة رثاء في صاحب السمو الملكي الامير / نايف بن عبدالعزيز
الله يعوض بخير في سيد الجود = في ناصر السنة وذخر العقيده
في سيدي نايف ذرى كل مضهود = ذاك الزعيم اللي علينا فقيده
ويحسن عزاء محمد ونواف وسعود = أشبال ليث المجد ساسة وسيده
في الحاكم اللي راح وإن كان موجود = بقلب المواطن ساكن في وريده
ذاك الأمير اللي على الهقوه يزود = الطيب وافي والمزايا عديده
يالله عساه بجنة الخلد معدود = يحي حياة عند ربه سعيده
دنيا العنا لا شك فاقد ومفقود = ورب الخلايق يحكم اللي يريده
والله يحفظ بلاد ذرية العود = أهل الفعول الطيبه والمجيده
والله يكافي شر حاقد ومقرود = أهل النوايا السيئه والمكيده
الشاعر سعيد سعد بن عمر