أبو اليتامى والمعاقين

يالله ياللي تسجد الناس لرضاه
تغفر لأمير داخل العود مدفون
راح الامير اللي حميده سجاياه
يوم الثلوث اللي به الحشد يبكون
مرحوم يا مير على الناس حسناه
مدات خيره نفست كل مديون
الله يبيحه كل ماحل طرياه
اقولها من قلب والقلب محزون
انا اشهد انه عز من راح ينخاه
وانا من اللي جوه في يوم ينخون
قام وتزهل مشر لي بيمناه
فتره وجيزة جاني العلم مضمون
جزل العطايا ما تسوى سواياه
يا ما عطى بالسر والناس يدرون
سلطان هو سلطان قايد عرفناه
ابن الملوك اللي على الدين يرسون
هذاك ابو خالد عسى الخلد مثواه
قولو معي امين تكفون تكفون
لو المنايا تنشرا كان نفداه
الروح ترخص لاجل سلطان وتهون
ما نسى مواقف سيدي يوم جيناه
اثني عليه واكثر الشعب يثنون
يستاهل التمجيد شيخ زبناه
فرج هموم كلها سبت ديون
فيه الخصال الطيبه في محياه
راع ابتسامة والكرم فيه مدفون
ابو اليتامى والمعاقين عزاه
يما عطاهم والعطا غير ممنون
نجم تحدى انجوم حنا خسرناه
نجم توارى بس في غمضة عيون
لا والله خسارة نجمنا ماله اشباه
فقيدة يا كبرها اليوم وشلون
راح الفقيد اللي على الجيش مغلاه
انا رثيته والعرب فيه يرثون
مير البقا با خوانه اللي حلاياه
اخوان نوره اللي على الخير يسعون
بوجود ابو متعب عسى الله يحماه
هداج تيما اللي له الورد يردون
العهد زاهر والامن فيه ما حلاه
الحاكم العادل له الناس ينصون
خليف بن فهيد المرواني الحربي