غلاه بعروقي

لاغاب عن عيني بقا منه صوره
حبه مع الأيام زاد وتطوّر
باقصى الضماير قام يبني قصوره
غلاه بعروقي مع الدم فوّر
وشوقه بقلبي زاد حالي خطوره
اللي بطوق الحسن كنه مسوّر
يا قوتةٍ بالزين جات مغموره
راع العيون اللى طرفها محوّر
كن المنايا في هدبها محصوره
وجهه كما بدر الدجى يوم نوّر
وابعد ظلام الليل من قو نوره
زودٍ على سحر المفاتن تصوّر
متواضعه جداً ماهي بمغروره
وشلون اصور شي ما ينتصوّر
مادام فيه الوصف يبدي قصوره
ما ألوم قلبي بالهوى لو تهوّر
خله يغوص الحب لاقصى بحوره
حبٍ على وضع النقاء ما يزوّر
علاقته بوضوح ما هي محظورة
عبدالله مرزوق المرشدي