نشرنا في الاسبوع الماضي لغزاً كتبه الشاعر ناصر المسيميري يقول فيه: انشدك عن بنتين متوالفاتي قامن مقام انثى ورجل بعملهن بنتين عند اللازمه حاضراتي به من يجالسهن وبه من طردهن وجاءت الحلول كما يلي: حييت يا ناصر وعلمك ثباتي اللي يفكر بالبنات ايعرفهن الظاهر البنتين متصاحباتي كم واحد بالبيت عنده نصبهن هذي ترامس بيننا واقفاتي علامة المصنع توضح عليهن علي رشيد الرشيد رياض الخبراء قال ابن جلعود في وصف البناتي ترمسين ما يقومن في عملهن ما يعوضن عند وقت اللازماتي عن دلال طيبهن من طيب اهلهن رشيد علي الجعلود سميراء حي البيوت بصفحة واضحاتي من شاعر زين المعاني كتبهن وحل اللغز ترامس حافظاتي احد رغب فيهن والآخرتركهن علي ناصر البدراني الخبر يا مرحباً بك يا كريم الصفاتي يا شارع سطر بيوت حكمهن ولغزك يذكرني بوقت وفاتي ادلال كيف قل من هو عشقهن تبدلن ترامس حافظاتي على الجمر لو يبردن ماصلاهن دخيل الله ناصر البدراني الخبر بديت باللي عالم بالحياتي اللي رفع سبع وسبع بسطهن نبا نحل اللغز قبل الفواتي ترامس للكيف كل عرفهن ماشع حمد البدراني الظهران اللغز حله مثل حذف الحصاتي حذفه تصيب وعشر حذفات يخطن لكن انا فكري يقول البناتي وحده بها الشاهي ووحده بها البن عن البريق ودلته نايباتي زمازم عن شبة النار يكفن سعد بن شنار السهلي الدرعية يا ناصر الايام متغيراتي ودلال راعي الكيف صد وتركهن من بعد ماهن عنده امكرماتي اليوم يا ناصر تناقص غلاهن وبدل بهن ترامس جاهزاتي بالشاي والقهوة وحلن بدلهن حميد بن موسى السليمي الرياض لو كان ناصر ما يرد الوصاتي والغازنا اللي ننشره مانظرهن ياللي تشب النار قبل الصلاتي دلال راع الطيب ماقد هجرهن فهد بن عقيل الطويان بريدة يا من يساعدني على الغامضاتي يوم ان ناصر بالمعاني سترهن ثلا جتين بالسفر والمساتي وحده بها الشاهي ووحده بها البن نافع الحربي الرياض عسى ليالي ناصر المقبلاتي افراح والخيرات دايم بثرهن واللغز واضح به جميع الصفاتي والغاز ناصر ياكثر من عشقهن ثلاجتين الحل علم ثباتي للشاهي والقهوة جميل عملهن منصور عبدالله الزرير التميمي الرس عرفت انا البنتين قول ثباتي ثلاجتين كل شخص عرفهن للشاي والقهوة ترى حافظاتي لايبردن واقول هذا خبرهن صالح عبدالله التميمي الرس سلام يهدى عجل,, قبل الفواتي للي بيوته بالجزيرة نشرهن الزمزمية واختها بيناتي ابريق ودله واصبحت هي بدلهن شاي وقهوة للطلب جاهزاتي ناس تبيها ومنهم اللي تركهن محمد بن عبدالعزيز الخنيفر أشيقر ناصر ترى بسنيننا الماضياتي تقدم البغداد مع غالي البن وكل يقول اشرب تراها سواتي احلف برب البيت محدن لمسهن عبدالرحمن عبيد العازمي الخبراء يا اللي كتبت ابياتك الواضحاتي ونشدت عن بنتين كل رغبهن ترامس لاهل الكرم جاهزاتي من عقب براد ودله عرفهن عودة فلاح السليمي الحربي الدمام قال الذي وان قال قوله ثباتي ما تخطي الرمعة بيوت نظمهن الحل ما هو بالتخامين ياتي فكر العقول اللي كريم وهبهن واللغز واضح من جميع الجهاتي ثلاجة الشاهي ومعه قهوتهن محمد عبدالله العسكر الحنيني البكيرية ذكرتني بعصورنا,, الماضياتي الله ياليت ان الليالي يعودن بيت الشعر,, ودلاله المكرماتي ونجر ينادي للمسير ليا دن ما فيه (ثلاجات) متقابلاتي ياعنك ما يصلح بها الهيل,, والبن سالم زياد الشلاحي المطيري بريدة ناصر,, نشدنا عن فتاة,, وفتاتي بنتين,, والفهمان اظنه عرفهن يا الله,, عساهن دايم فاضياتي ويا الله عسى في مجلسي ما يطبن دلالنا من دونهن جاهزاتي مجهزات لشارب الهيل,, والبن هاذي شعار اعصورنا الماضياتي نحافظ عليهن,, غالية في ثمنهن محمد صالح بن شويمس الحربي بريدة لا عاد تنشدني عن أمر البناتي بنتين والشرهه على اللي حسبهن عند الطلب بنتين متوالفاتي ثلاجتين صغار كل عرفهن دام الدلال الصفر متواجداتي قلت الترامس يجلسون لعربهن صالح سفر العمري يا ناصر جاك الحل مني ثباتي الحل واضح والبنات نعرفهن هن الترامس كلهن بيناتي ولا عاد تخفانا طريقه عملهن قامن مقام دلالنا المكرماتي وايضا البريق اللي ركن في طرفهن عادل بن هايس الشمري رفحاء شفنا,, ابيوت طيبه محكماتي لله در الشاعر اللي بناهن وانا,, بحل اللغز,, حل ثباتي ما عندنا فالحل شك ولا ظن دلالنا دايم ترى مكرماتي معمرات باطيب الهيل,, والبن وش عاد لو جابوا لنا حافظاتي في مجلسي والله ما ارضى يطبن زهران عون الله المطيري بريدة اللغز يا ناصر بعلم ثباتي ترامس للكيف من هو جهلهن عقب دلال عندنا غالياتي صارن تراث اليوم كل نسيهن عبدالله ناصر البدراني نجران قريت لغز من بني لام ياتي من نسل قحطان القوافي حبكهن رجل على حبك المعاني ثباتي مثل الشرر يوم المعاني قدحهن وحليت لغزه يوم فكري نجاتي وصارت حلولي (بالدلال وحدثهن) محمد المويعزي
