يا نفس توبي

توبي قبل يا نفس قطاف الانفاس
توبي لعل الله يغفر ذنوبي
الخالق اللي رحمته عمت الناس
الخِّير اللي عالم بالغيوبي
محصي عدد خلقه على اشكال واجناس
حلاَّل عسرات الشرك والكروبي
لا ضاق صدر اللي من الهم محتاس
عساه يستر عيب من به عيوبي
عن الذي بقلوبهم حقد.. وانجاس
واوصيك يا نفس بزين الدروبي
درب الردا يا نفس مافيه نوماس
العمر يا نفسي علي محسوبي
في يوم.. قدر الميل شمسه عن الرأس
يوم من اهواله تجض القلوبي
يوم به حلوق المخاليق يباس
وعن هادم اللذات ما من هروبي
لو حال من دونك عن الموت حراس
رشيد صالح الدوسري