كان بيت الأسبوع الماضي من طرح الشاعر صالح محمد البشري من الرياض، والذي يقول: الناس بالمعروف تحتاج للناس في مالها في جاهها في جهدها وقد ربت أصداء البيت على ثلاث وعشرين مجاراة كان أنسبها: شروى الفطين اللي عرض جزل الاحساس البشري ابيوته يرفرف سعدها صحيح ماقلته وانا رافع الراس تسلم يمين طيبها ماجحدها من لا بذل بين الرجاجيل نوماس من شاربي يعيفها لا وجدها الأسود العنزي - الرياض وراع الوفاء ياكم يواسي هل الياس اللي غثاها كم يبعثر سعدها وراع الوفاء من مدته ينحسب راس ونفسه مع المعروف كل ٍ وجدها ومن يعمل المعروف يبشر بنوماس واذا وعد نفسه ماتخلف وعدها عبدالكريم بن خزيّم - البكيرية واللي يصير ابحر الاشعار غطاس منين ما دور لفزعه وجدها ترى التعاون بين الاشخاص نبراس دايم خيار الناس تلزم وعدها ما يبخل الطيب على كل الاجناس يقوم بالواجب ويرفع عمدها علي الرشيد - رياض الخبراء لا صار مشكل لا تضايق وتنحاس ارد العدود اللي روي من وردها الناس طبع الناس تفزع مع الناس بالراي والتفكير ماهو بيدها لا باس انا بقول لاباس لاباس يوجد رجالاً من يجيها حمدها سعد صنهات السهلي - الدرعية محدن خذا دنياهِ تفصيلِ وِقياس كم واحدٍ له حاجةٍ ما وجدها ياكمّ واحد يعجبك شكلِ وِالْباس وبْداخلهْ آهاتِ يجرع كمدها يا سعْدِ ناسٍ كيفها تِفْرِحِ الناس تقضي حوايج من لِغَايَه قصدها بعض البشر للطيب باذل وغرّاس أيّامِ عمرهْ للجميلِ اعتمدها تلقاه لأحوال المساكين لمّاس كم كربة فعله دفنها بْلحَدها عيد الذي شَرْبِ الغرابيل بالكاس أنهار جوده يرتوي من وردها ما جمّع الياقوت وكنوز الألماس لكنّ نَفْسهْ يا كثِرْ منْ حمَدْها ناصر جمعان آل عوض - وادي الدواسر المعرفة يا صاح تاجٍ على الراس ومن يزرع لطيب الفعايل حصدها والعون بين الناس راية ونبراس والحُب والأُلفة يقوّي عضَدْها ما يرتفع بنيان من غير ما ساس ولا يبرّ الأم ّ إلا ولدها زياد المنيفي - المدينةالمنورة بعض العرب نفعه على العين والراس والبعض الاخر لو وجدها جحدها انا اشهد ان الطيب مقرون بحساس واللي بغيت الطيب للطيب قدها كم واحدن يسعى مع الناس لاباس يبي العلوم الطيبه ويحمدها خليف فهيد الحربي - الرياض الطِّيْب ماهو حِكر في ناس عن ناس بذرته في كل الأماكن تجدها بالجَهَد هو والمال والا بالانفاس للجار واللي عاقد ن بك سعدها وراع الحساني منزله هامة الرَّاسْ ويجزا حساني للعمل و يحصدها سعود عايش التميمي الحربي - جدة الدر والمحار واللول والماس يفخربها اللي جابها من بلدها والطيب الوافي تحطه على الراس من كل نوع اللي زرعها حصدها سوالف الخايب كما البق والحاس الا وبعد وفعوله امر وادهى عيد سمير من يجحد المعروف معدوم الإحساس يارب قلل بالبشر من عددها والطيب مادونه من الناس حراس والنايفه ماكل واحد صعدها والربح يبهج والرّدا بنك الإفلاس وأهل النفوس الوانيه من حمدها صالح عبيد البشري هاذي حقيقه وانت قولك على ساس ومن يفعل الحسنى ياصالح وجدها يلقى من المولى مثوبه ونوماس ومع العرب طرياه كل حمدها لكن بعض الناس ما عنده احساس تمره الفرصه ولا يعتمدها عبدالله سعد المقاطي كم واحدطاريه صيت ونوماس وافعاله الي ماتحصى عددها كريم سبلا والمكانه على الراس وقرم وعوده وافيات سعدها هذاك عده من قليلين الاجناس وبالك من الي مايوفي وعدها طبعه ووصفه مثل فار بالانجاس جعله يموت وحاجته ماوجدها حمد عبدالله الوايلي - حوطة سدير بيت الأسبوع كتبه الشاعر عبيد بن عبدالله بن رمال من الجوف ويحث المتشوقين للربيع بأن يبحثوا عن فرصة للاستمتاع به هذه الأيام، ويقول: ياضايق الصدر طبك النفس وعلاجه سجة قدم بين لينه والعويقيله
