شاعر وأكثر من صورة

ترى «حاملين المسك» يا.. نافخين الكير
إلى من حصل لا أصحابها خير يفرحها
نعرْف الوجيه اللي تباسم لنا تقدير
ونعرْف الوجيه اللي تدوّر مصالحها
* *
نقص
من يشعر بنقص يتعبني بتفكيره
ما أدري يعاند ضميره أو يعاندني
لو تمدح أيّات شخص تصيبه الغيرة
ولو تسبّ أي شخص يقول: تقصدني؟
* *
أحاسيس
مابي أحبك تجيني من سياق الكلام
أبي (أحبك) تجيني جملة لحالها
أحساسها غير كيف الحال؟ والا سلام
أبي تجي كن قبلك ما حدن قالها
* *
عياف
ما أبيه لو شوقه احرق قلبه ورّجعه
قسّتني الوحدة وطحت ووقفت وقسيت
بعته بعد عزتي صاحت وقالت: بعه
مثل ما عاطفتي أوّل قالت: إشر وشريت
- سلطان بن بتلا