عدة وجيه

ياأصحابنا ياللي لكم عدة وجيه
عذراً ترى وجهي وحيد وحميته
أبا احتفظ به لا تغير مواريه
على دروب المهزله ما رميته
أصد واقفي فيه يكفيه ما فيه
لو هو على كيفي بعيدٍ نحيته
أبا أبعده لو طولت بي مساعيه
و أسوق ركبي بالخلا ما هديته
على الوجيه اللي تسوّد مباديه
أهب يا وجه الرداء ما بغيته
أحلم بطيب و طيّب العلم نشريه
على مشاريف الوفاء ما نسيته
ؤاللي نساني جعل ربي يخليه
عسآه ينسى ذنبي اللي جنيته
أبيه يكفيني ملام ومشاريه
ما بيه يعطيني عطا ما عطيته
أبيه بس بوجه واحد و يكفيه
ليا نطحته نطح وألا قفيته
عبدالله الهقاش