شاعر وأكثر من صورة

إبراهيم السمحان

يا ربي الليل وحشة والذنوب أوقفن
قدام عين المسافر مع دروب السنين
جلد الضمير إشتعل بي والجروح إنزفن
نظرت خلفي وزاد الركض.. والركض وين
***
توكل
جلّ شانه ما يخيب من نصاه
ما يرد اللي على بابه طرَق
خاب حظ اللي يدور من سواه
رزق مابه رزق من يد السّرَق
***
تجربة
أنا لاجل تحقيق ذاتك عذرتك
جرب تواعدني ولا تحتريني
وحتى لو اني بعد هذا خسرتك
الحب في قلبي ولا هو بعيني
***
سقوط
ودي اكتب قصيدة والشعور يهمي
وانت من سلك همي طحت كيف انظمك
أي نعم يوم حبيتك وانا منعمي
كيف ما شفت نابك من ورا مبسمك