قالوا: عن (الغلا)

انعست عين الغلا والهوى هدا
خانت الايام والملح والعشره
وابتديت تشوف نفسك وتتحدا
وأنت ماكنت تتغلى ولا تشره
كنت مجروحي وصرت الدوا والدا
كنت آآه صرت آآهات منتشره
غلطة اللي بالمحبه أخذ وأدا
واعترف لك بالغلا وابصمت عشره
الهوى جاب الغلا والهوى ودا
وأنت وجروح الزمن بالحشا خشره
ضيدان بن قضعان
بعض الغلا منحة وبعض الغلا سرق
وبعض الغلا ذاته وسيلة وغاية
انت بحياتك أصدقا تعرف الفرق
وأنا حياتي كلها باصدقايه
تظن نفسك شمس تلقاهم الشرق
مطلعك والمغرب مجرد نهاية
مثل الضنا مضني غلاهم وله طرق
تاخذ برجلك للفجر والبداية
سليمان المانع
صدفة غريبهة والحقيقة ماعلى الدنيا غريب
يازينها صدفة بلا سابق وعد يازينها
الله صرفها لي مثل صرف العلاج من الطبيب
أثر الجروح تطيب لا من عولجت في حينها
لا طاب جرحي منه من غيره لعلّه مايطيب
يطعن وطعناته على شان الغلا راضينها
أحلى شوي من العسل وألذ من طعم الحليب
وأحر من همسة شفايفها وغمزة عينها
سلطان الهاجري