قدري

اللي جرحني يوم ناظرت قدري
على انتظارك يوم صديت مهدور
هزتني العبره وضيقت صدري
وامسيت ليلي من تجافيك مخطور
ضاعت حلومي بالهوى معك هدري
وعزيت عمري يوم فارقك مجبور
والورق ناحت واعتلت فوق سدري
وجاوبتها من صافي الشعر بشعور
اخلصت لك ياصاحبي وانت تدري
اني بحبك صرت هاوي ومسحور
غيرك يجي ويروح ماكني ادري
غيرك ترا حبه على القلب محظور
وان كنت تدري عن غرامك بصدري
وراك تتركني على خطاك مجرور
اليوم ياسيد الغنادير بدري
ماتدري ان الحب بيديك مقبور
ابابتعد مادام فكرت غدري
وانسى الهوا والحب مع طلعت النور
دنيا المحبه بين فرح وكدري
وشرع الهوى مافيه حاكم و دستور