ضاق الفرح

بعض الجروح تطيب مع قادم الوقت
والبعض الاخر ماكنٍ في جذوري!
ياكثر ماحنيت لك وانت ماأشتقت!
احتاج وصلك وانت ناسي حضوري!
واليوم ضاق الخلق وانا بعد ضقت!
من سبتك ضاق الفرح في سطوري!
ازريت لا انسى بارقٍ يمه انسقت!
اغراني بنوره وطفيت نوري!
كنت احسبه ديمه ومنّه تحرّقت!
أقصى احاسيسي وغرّب شعوري!
ساعة هنا وياه والله ماذقت!
وقربي لقلبه صار ماهو ضروري!
هو راق جوه بس انا ليه مارقت؟
ليه البحر لازال يرفض عبوري؟
حزن المواني داخلي مابعد فقت!
ولا نجت من قيد شوقه طيوري!
واليوم ضاع العمر والشوق والوقت!
حتى الثرى يرفض تضمه جذوري!