تركي الميزاني

شاعر وأكثر من صورة

يا رب رحمتك لا هلو علي التراب
واصبحت مالي عن الوحشه مفر ومطير
واقفوا ولدموعهم فوق الخدود انسكاب
واسمع قريع احذيتهم فالوداع الاخير
***
شيم
الحياة أفراح وأحزان ودروس وعبر
والتجارب.. صفحة ايامنا وكتابها
وعن حياة الآدمي شيمته تبعد شبر
وان فقد من شيمته شي نفسه عافها
***
امتلاك
رعي ريف قلبي لين صار الحشا مدهال
وعن مدهله جنبت غيره وذيرته
سقيته من عدود الغلا والغرام زلال
بعد ماجذب من دم قلبي وصدرته
***
صورة
الدمع هذا اللي تشوفه ما هو دمع
أشعلت عيني لجل اشوفك وذابت
واللي نزل منها على خدي الشمع
ارقد مادام الشوق في القلب نابت