كذا طبعه

ذكرت اللي مضى واثر السنين تمر بالفاضي
قدر يمشي على كيفه..عجز كل الملا منعه
اذا الله راد شي فينا حصل والمحتسب راضي
غدا مني ولا ادري نوى او يا ترى طبعه
تركني غافيه وحدي..يراودني حلم ماضي
حلم طفله على غيمة تشوف بها السما لمعه
تبي تلمس باصابعها واثر حيل الظهر قاضي
الا يا حلم ما يكمل تبي تروي الظما دمعة
انا دايم كذا حظي..ولا لحظوظنا قاضي
وهج في داخلي واقد ومن همي ضوت شمعه
ابي اكتم احاسيسي ولكن تفضح الفاظي
احرك شمعتي وادخل قصر مظلم يبس زرعه
صرير ابواب ما تهدى غبار يزيد بامراضي
حصيلة توت ما تذبل..لها اغصان مندفعه
ولفتني من بعد صورة «بقايا بعض اغراضي»
ذكرت القصر ذا مرة انا زرته مسا جمعه
عرفت انه حشا خلي ومع هذا ترى فاضي
روان