أفعال شايح

قصيدة رثاء في اللواء ركن متقاعد شايح بن مطلق العتيبي- رحمه الله..
رُكْنْ الدفاع إن طاح ماهو ب طايح..
يبقى على مَرّ التواريخ موجود..
سيرة.. وتُحفظ في جميع اللوايح..
وللفائدة : تُقرأ على كل مولود..
أخذوا من أفعال الفقيد النصايح..
درس وعِبَرْ وعلوم وسلوم وقيود..
حُسن التعامل بين كل الشرايح..
فالمجتمع بْطيب الأخلاق معهود..
لامن نصيته والهموم اتبايح....
عوّدت كنّك واردن لك على عْدود..
مافيه عاقل ينكر أفعال شايح..
جمايله بين العرب مالها حدود..
ولافيه دولة زارها كان سايح..
رحلة عمل مآ بين تجييش وجنود..
سيرة مثل برق مع الغيم لايح..
تُدرج مع أصحاب السِيْرْ داخل بنود..
ماقلته ابغى من وراها مدايح،..
واجب وطن في تعزية رُكْنْ مفقود..
بدعيك أنا يارب.. والدمع سايح..
ترحم سليل الطيب ياخير معبود..