عساه بالجنة

قصيدة رثاء في رجاء بن علي الجهني أبو علي (رحمه الله)
البارحة دمعي على الخد سايل
كنك تحط بداخل العين مله
في وسط قلبي حاميات الملايل
كن الشناذر وسط عيني تمله
من جاء خبر رجاء عريب السلايل
عز الرفيق اللي ظروفه مقله
مرحوم يا شيخ كثير الجمايل
ما حسب الدنيا كثيره وقله
تبكي عليه قلوبنا والقبايل
وليا ذكرته دمع عيني تهله
لو ينفدي نفاده بشتا الوسايل
مكتوب من ربه عسى خيرة له
عساه بالجنة وبرد النثايل
في جنة الفردوس يسكن رضله
الله يفكه يوم هول وهوايل
نطلب له الغفران والله يحله
طالبك يا المعبود رب الفضايل
تغفر أذنوب الشيخ دقه وجله
يقوم تال الليل يصلي النفايل
ما هو ينام الليل خوفان من الله
يشهد له القران ليل وقوايل
في روضة المسجد شهد له محله
به الكرم والطيب واف الخصايل
والمشكلة لو هي صعيبة يحل
عقب أعيالاً كالحرار الأصايل
يضربهم الأمثال بالطيب كله