نورة ... !

إيه يا دنيا وهذي عادتك دوّارة
في حكاية أستشف الكذب منها تارة
قصة باحداثها وفصولها جبّارة
بنت يثملها القصيد وتنتشي لاخباره
كانت تغيّر باساميها وهي محتارة
نوف والا شوق والا ريم والا سارة
كانت بعيني غريب ما يحب دياره
لنها طفقة عنيدة شامتة عيّارة
لين طالتها علوم العالم الثرثارة
وابتديت احس في كرهي لها واختاره
كنت كاره طبعها إي والله إني كاره
لين جات الليلة المسفورة النوّارة
يوم مرتني تمايل مع بنات الحارة
واتفقنا نلتقي في ساحل البحّارة
والتقينا والتقى فينا الهوى واسراره
قمت اسبّح باسم ربي واحتمي بأذكاره
المهم إنّا جلسنا وارخت النظارة
والرسبشن خلفنا والباب كان يساره
وقهوة الاتراك كانت بيننا فوّارة
وابتدا هرج العتب يقدح علينا ناره
حول ساعة وانتهى الموعد وفل ستاره
كان هذا الاتفاق واعتمدت احضاره
والغريب إنّا افترقنا فرقة غدارة
وقمت امثّّل قصة العاشق واجيد ادواره
واستمرينا نكابر والجروح تشاره
لين جتني بنت ابوها للغلا منهارة
ذي نتايج دورتك يا حضرة الدوّارة
والغلا تحت الضلوع العوج كمّل دوره
وتارة ألٍفي الصدق فيها رايته منشورة
واستمع يا وقت فحوى قصتي مع نورة
روحها شاعر فريد وقلبها جمهوره
كيف تختار اسم يلبسها القصيد شعوره
المهم ان الأسامي كلها مشهورة
وكنت متأكد بإن البنت ذي مخطورة
مايعة ترفة غنوج مدلّعة مطيورة
وصارت اشهر من علم بعلومها المذكورة
واتجاهل كل عرق ٍ بالغلا له ثورة
بس ما ادري ليه نفسي يمها مأمورة
أو بقول أحلى كذا ...النوّارة المسفورة
وأشّرت لي من بعيد اشارة ٍ مخبورة
والوعد يوم القمر يظهر علينا نوره
خل عنك الطبع بقعد وانتبه للصورة
وابتدي بالبسملة قبل ابتدي بالسورة
فوق ذيك الطاولة في جانب المقصورة
ومن يمين الباب الايسر كانت النافورة
وكان سكرها يحاول يستغل الفورة
وكنت مغرورٍ شوي وهي بعد مغرورة
بعد ما اعلنّا الصداقة بيننا مغمورة
يعني انك يا العلاقة بيننا محظورة
ليه ما ادري بس حسيت انها معذورة
وقامت تمثّل علي ّالعشق دورة دورة
والغلا يكبر ونفس المنتحي مكبورة
وجيت انا والعين من ضيم الهجر مقهورة
والغلا لازال ثابت في حنايا نورة