قصيدة” يا مملكتنا ” للشاعرة “مداهيل”

فلّي جديلك ياوطن خلي الافراح..
تنثر عبير الامن في كل ديره..
••
وخلي العلم يرقص بعد عيدنا لاح..
و السَّيف الاجرب نظهره من جفيره..
••
يا مملكتنا فاح عطر السعد فاح..
واستبشروا بالخير شعب الجزيره..
••
حنا لبسنا المجد يادارنا وشاح..
وامجادنا الفذّه على كل سيره.
••
حنا شعب (سلمان)(سلمان)الارباح..
اللي اشعل بقلب المعادي سعيره..
••
له الولاء من شعب بمحبته باح..
وانبايعه سمعً ،، وطاعه وغيره..
••
وانبايعك ياطويق تفداك الارواح..
يا ( محمد) الأمجاد صافي السريره..
••
عزوة هل العوجا امشتت الاشباح..
وشعاركم ضم السيوف الشطيره..
••
انتم لنا و حنا لكم مابها مزاح..
••من دونكم ناتي جيوشً مغيره..
عدونا مايهتني بنور الاصباح..
درع الوطن حنا و حنا نديره..
••
هذا وطنا كلنا دونه سلاح..
على العدو شعبك يوجه هجيره..
••
اقدم بنا ياسيدي وأفرد جناح..
عدونا معروف وش هو مصيره..
••
من يوم كانت شلف وخيول ورماح..
الين صارت ناسفات و ذخيره ..
••
هذا السعودي بهمته سيدي اجتاح..
دروبً على غير السعودي عسيره..
..
للشاعرة : مداهيل