يعنّ البال وجزال القصايد درهمت ذوده وعلى مضمارها قامت معازيب الفكر تختال يفوح أزكى القصيد وزادني تشريف مقصوده غلا (السيفين والنخله) على راسي سواة عقال على طاري الوطن فاح الثرى بالعود من جوده صحارينا الوفا نروى بها وتربّع الأجيال غيوم الخير لا لاحت بروقه ..نادت رعوده مشاعيب السخا سالت ووادي جودها مسيال على مدّ النظر.. مرباع درب الدين ووروده مناهلنا العقيده راس بالقمه وعزّ جبال مداهيل الرجال.. ومنهج الأمّه وتلموده دروعٍ للوطن.. نحمى بها حدوده عن العذال مقابيس الظفر جيش الولا للضدّ جلموده كما صدور الجبال تنادي الصدّه على الأنذال مراقيب الفعايل .. كلّما هبّت غلا نوده تطول ارقابها دون المنايا والسنين طوال ألا يا انقى البياض فياض خيرك طاب منشوده يشوش الراس لا رفّ العلم وسط السما..ما مال يعيد العيد أمجاد الفخر واحصاد عنقوده نهض خيره وقامت مملكه ..دام الفعل ينقال زرع عبدالعزيز وجادت افعاله بمحصوده تطول بفعله القامه وتاج المجد عزّه طال مؤسس مملكه.. عقب العتام وسطوة صدوده كفاح يمين من سهرت عيونه والعزم افعال زمان الخيل والسيف الشطير وصادق وعوده نياشين الفخر وان هبّت رياح القفر بالجال بنى داره على الدين الصحيح وشام عاموده على شرع الله وسنّة نبيه..والعدل مكيال ألا (يالعود) قبره في ثراك يفوح من عوده وباقي حي ما مات المؤسس والكنوز آمال ورث من عقبه رجالٍ على منهاجه شهوده على عزّ الأسد دامت فعايل خيرة الأشبال ملوك افعالهم طالت جبال الشمّ وتكوده سعود..وفيصل..وخالد.. وشاهق مجدهم لا زال وعهد الفهد.. ذخرٍ للوطن ..عشرينه تزوده وحضر صقر العروبه والمواقف تضرب الأمثال ووليّ العهد سلطان السخا يمناه معهوده ونايف نائبٍ ثاني على الشدّات والأهوال ولانا وانتمانا (للسعود) وكلّنا جنوده نلبّي عن حمانا.. عن وطنا عزوة الأبطال فدا المجد التليد ومنبع الإسلام وسنوده عن (البيت الحرام) و(طيبه)..دروع ٍ بروح ومال نبَض عيد الوطن.. قلب الولا وتجدد عهوده تضخ قلوبنا باصدق عروق الدين فخر رجال وحنا صفّ واحد للوطن واجسادنا حدوده نذود حماه عن كف العدى وسيوفنا غربال وطنّا..دام عيدك..(تسعه وسبعين) معدوده عساه تعاد أعيادك وعزّك ياوطن مختال عساه يدوم مقدار الوطن وتذرّي سدوده تدوم براية التوحيد.. والإخلاص بالأجيال عبدالله أحمد البراهيم /تبوك
