قصيدة “مناويخ الهموم” للشاعر “عبدالله سمران”

مرت ثمان سنين وعلومي علوم
للحين قلبي رافض وعقلي جزم
••
فراقها قطعة جحيم وقل نوم
ماهيب راحه وابتسامة ملتزم
••
ياشيب عيني والدقايق كل يوم
اعدها بغيابها عد الرزم
••
اثر الجروح المبطيات اخوان توم
ماغير اكافحها بتناهيت وعزم
••
ان كانها فراق ومناويخ الهموم
ألمثل هذا اليوم قلبي محتزم
••
كان اللقا ليلة وداع وهمس لوم
وقالت لي ب خشيه ودمعة منهزم
••
حنا ضحايا عيال عمي والسلوم
ياحسرتي ليتك ولد عمي لزم
••
ياما علشانك رفضت كبار قوم
اللي بنادقهم بعرجا ماتزم
••
واذكرك لاطروا مواقيف القروم
واذكرك بالشده وساعات الحزم
••
ياجعل يفدونك ماهم بس الرخوم
اللي تحط هذي ب هذي وتعزم

..
عبدالله سمران