قصيدة للشاعر عبيدالله العرابي

يا أجمل إحساس لوم الناس وش يعني
لاصرت لاتكتب أحزاني ولا تقرا
***
إن جيت أزورك تقابلني تودعني
وإن جيت اودعك قلت جروحنا خضرا
***
بين إنتظارٍ قطعته لين ضيّعني
وحبال وصلك وغبات الهوى الكبرا
***
أغيب وآشتاق وآخر ليل يجمعني
على مواويلك ألقى للغلا مسرا
***
أهد الأحلام في ساعة لقا وآبني
قصرٍ تخيّلت فيه اشواقنا عذرا
***
صدك وذكراك تنقذني وتغرقني
وأنا إبتسامات وقتي كلها صفرا
***
كم سقت أمانيك ياغيثٍ تواعدني
يمسي خيالي خضار وواقعي صحرا
***
يا أجمل إحساس قول أسمعك وإسمعني
يمكن معك نتفق وجروحنا تبرا
***
أما إني أقنعك ولاّ قول وإقنعني
لو قالوا القلب سوق البيع والمشرا
***
إلا أن وك بعد صدك تفارقني
غدرى لياليك مثل أفعالها غدرا
***
لاصرت تامر وأطيعك كيف تمنعني
علمتني لو عصيتك ماكسبت اجرا
***
يا أجمل إحساس كل اللوم وش يعني
مادمت لاتكتب إحزاني ولا تقرا
***
شعر / عبيدالله العرابي