صمت المكان ودمعة الذكرى

الغايب اللي قهر عيني بترحاله
وادعني ولاترك لمصافحه بشرى
يطري على بالي ولاني على باله
واضيق كل ما ذكرت اللحظه الغبرى
ان جيت اعاتب وفاه احن وارضاله
واشتاق ليدينه.. ولعيونه الخدرى
اكره شعور الحزن واجر مواله
واقول ليت الزمن عن موقفي يقرى
اشكي على عطره الباقي وسلساله
وابكي وتبكي معي اشياؤه الاخرى
لو كل حالم رسم حلم.. وتهياله
ما للزمل داعي ولا لدموع اسرى
ما كل حلم يمر المنتظر.. ناله
ولا كل رجل صبر من علته يبرى
يا مهلك الروح قلبي فاقد اماله
معاد يمدي على اللي وادعك صبري
وان كان ودك تبي تعرف وش احواله؟
ما بين صمت المكان ودمعة الذكرى
الجرح من غيبتك باقي على حاله
وشلون تنشد عن المجروح وانت ادرى
عبدالمجيد بن جاسم العنزي