بالأمس قصيدة للشاعرة النداوية

بالأمس
بالأمس أشوفه والدي وأشفق على قولة يبه=واليوم دارت بي رحاة الوقت في عالم خيال
يا امسي الماضي ويابكره أنا مستغربه=كيف السما بعد السمو تنزل على قاع الظلال
وكيف الفضا كله قضا من مشرقه لمغربه=حتى النجوم اللي تلآلآ فالسما ماهي تلآل
من حيرتي سجيت رجلي في الليال المرعبه =قررت أهاجر واقعي وأزبن ديار الانعزال
ماكنت أعرف ان القدر قد شلني في مركبه=وماكنت أعرف ان الصبر في وقتنا صعب المنال
الحاضر اللي عشت به أصدقه وأكذبه=والماضي اللي زلني ذكرى وشدت بالرحال
من ظيقتي سجيت فكري بالقصيد وقلت به =ياكود صدري ينشرح واسلا ولو كانه محال
الشعر سلوة خاطري حبر المشاعر كاتبه=ارويت به كبد بها شبت شبوب الاحتلاال
الله عطاني ماقسم وانا علي أرتبه=أغرف من بحور الشعر جزله وجنبت الهزال
الشاعرة النداوية