خطاك السوء ياصقر العروبة

خطاك السوء ياواف الخصايل
خطاك السوء ياصقر العروبه
خطاك السوء ياراع الجمايل
يا ستر الدار شامه مع جنوبه
ياعز العُرب ياقاس البلايل
ياتاج ٍ كل عين تلد صوبه
يالأول في مسيرات الأوايل
يا مقدمهم ولافيها صعوبه
على مثلك يا ممدوح الفعايل
يا نبراس الوفاء في كل نوبه
ياريف اللي تقالبه الغلايل
يا فزعة من لجوا به وإنتخوبه
يازبن اللي تعشته الهوايل
وداره كلها شبت شبوبه
يامنصى الشعب وعيال الحمايل
مواقفك أنت بالذات محسوبه
ما طالك طايل ٍ يا أعز طايل
زعيمٍ للعلا هبت هبوبه
دليلٍ تستدل به الدلايل
بليلٍ والمصابيح محجوبه
بذل لأجل العرب كل الوسائل
وكمل واجبه وأكمل وجوبه
ويبقى منفرد ضمن القلايل
يحاول يظفر بوحدة شعوبه
ضميره حي ويحب الفضايل
وضدٍ للمعادين وعقوبه
يقول الحق بأنصاف القوايل
مادام الرأس وقفته مهيوبه
يعين الشعب ويعز القبايل
حكيمٍ نادر وتتعب دروبه
وكفه مايمد إلا الجزايل
وسعيه يرتجي منه المثوبه
شمل خيره معاويز العوايل
عسى رب البشر يستر عيوبه
ناصر بن تراحيب بن سعدي