مانيب كفو أصحاب إلى عنه صديت

اللي نشد عني ليامني اقفيت
واللي يبادر دايمٍ باتصاله
وان جيت قال : القلب .. والعين .. لك بيت
وان غبت واصلني ولو في رساله
امواصله واجب .. لو اني تعنّيت
هذاك يستاهل تعب من عناله
يدمح لي الزلات وان كان زليت
وبربعه اليا غاب .. وصّى عياله
يسمع ونيني بالخفا يوم ونّيت
وبشدتي يفزع بحاله وماله
مانيب كفو اصحاب الى عنه صديت
والى طلب روحي هديه.. حلاله
ماسج هو عني .. ولاعنه سجّيت
يطري ببالي .. مثل ماطري بباله
وان كان احد عندي وشا فيه ماوحيت
واللي حكا لي عنه .. عني حكى له
ابا امدحه مادمت بالقاف غنيت
مدام ذكره حل عندي مجاله
اللي نشد عني ليامني اقفيت
واللي يبادر دايمن باتصاله
أحمد السكران