جرح الثكالى..!

سلطان وسط قلوبنا حي ما مات
تحس في غمضة عيونك تشوفه
من كثر ما يسكن بكل الخيالات
ومن كثر ما مد اليدين العطوفه
ما كنه الامر.. جنبك بلحظات
ينقش به التاريخ أجمل حروفه
شفناه لا كبرت خطوب ومهمات
للحق سيف ما تثلم سيوفه
وشفناه يوم انه تسامى على الذات
تحيي (حياة) إنسان مدة كفوفه
ترك ورى جرح الثكالى علامات
وحزن اليتيم اللي تحده ظروفه
عليه صدر المملكه جر ونات
أم (ن) غلاها ساكنن وسط جوفه
جاها جسد ميت مهو مثل الاموات
هذا بموته مات (بحر) المروفه
تبكي عليه المرجله والمروات
يوم الكرم عقبه يصفق كفوفه
ما بدد الحزن بجميع المحطات
إلا ملك هز القلوب بوقوفه
يستقبله وعيونه تقول ما مات
ودعني البارح .. وانا جيت اشوفه