كلمة عتاب

العام كان المطر له طعم بعيوني
أيام كنت أرسمك ديمه على بابي
واليوم جمر الفراق ايسيح بجفوني
ويبعثر أعشاش حبك في دفا أهدابي
ي اسمر ترى الكل بعيونك يحلفوني
وأنا احتريك وغيابك حطم أعصابي
لي فيك كلمة عتاب اتصافح جنوني
كانك تقدر جنوني صافح أعتابي !
إن رفرفوا في سماي .. ولا يهموني
حروفك أول سطر في صفحة كتابي
ياحي هالطيف .. يحضن شيحه امزوني
وأن أمحل القلب .. لا .. مافارق ترابي
جيتك من أقصاي، جيتك ريح من دوني
أجيك كلي وغيابك يلبس غيابي
نسيت اسمي، وبغوا باسمك ينادوني
طفله وقلبك كفوف تلملم العابي
يا أول الناس وأحلاهم خذ عيوني
وعطني عيونك سما يا آخر أحبابي.