سلطان ما مات

سلطان وسط قلوبنا حي ما مات
تحس في غمضة عيونك تشوفه
من كثر مايسكن بكل الخيالات
ومن كثر مامد اليدين العطوفه
ماكنه الا.. مر جنبك للحظات
يكتب له التاريخ اجمل حروفه
شفناه لاكبرت خطوب ومهمات
للحق سيف (ن) ما تثلم سيوفه
وشفناه لامنه تسامى على الذات
ياكثر ماتبذل عطايا كفوفه
ترك وراء حزن الثكالى علامات
وجه الفقير اللي تحده ظروفه
عليه صدر المملكه جر ونات
ام (ن) غلاها ساكن (ن) وسط جوفه
جاها جسد ميت مهو مثل الاموات
هذا بموته مات بحر (المروفه)
تبكي عليه المرجله والمروات
يوم الكرم عقبه يصفق كفوفه
ما بدد الحزن بجميع المحطات
الا ملك هز القلوب بوقوفه
يستقبله ويقول سلطان ما مات
ودعني البارح .. وانا جيت اشوفه