عضد أبو متعب

سلامي لك ولي العهد من رأس الشعر وراد
تورد بالحشا ليما تغلغل غدة(ن) غده
وجيت أكسب شرف يكمن هنا بمصافح الأمجاد
يامجد عانق الغيمة وقاد الكون من يده
يابو خالد دعيت الله بحق الملح ويا الزاد
وحق اللي كبرنا به وباب همومنا سده
ياربي والمرض منك ابتلاء يغشي الأشهاد
وأجر لصابر واحنا عباد نعجز نرده
ولكن دامها العلة تنازع فلذة الأكباد
سألتك حطها بصدري ولاتلمس طهر جلده
رجعت ورجعتك تعني تعود للقلوب بلاد
لأن في غيبتك طين لثم سيف الردى خده
رجعت ورجعتك تعني حنين الشمس للعباد
لأن في غيبتك ماتت سنابل وأظلمت بلده
رجعت ورجعتك تعني نلملم بسمة الأولاد
وثكلى تشتكي كانت تنوح إن طالت المده
رجعت ورجعتك تعني يوثق هالكفوف زناد
ذخر يا عضد أبو متعب إذا يحكي الزمن شده
رجعت ورجعتك تعني خناجر تنحر الأنداد
ل (أبو خالد) صقور وكل مافوق الثرى جنده
بكت كل العيون اللي تصايح دمعها لك (عاد)
هنا وعادت شراييني تسل السيف من غمده
كريم الأصل يانجل الشرف والعز والأسياد
رفيع الشأن يامهدي بحنانك أرضنا ورده
حفيد العز يوم العز (ف آل السعود) انقاد
كفى (عبد العزيز) اللي رقى الأمجاد في مهده
يا أبو خالد وأنا جيتك مع أن الشوق بي يزداد
وذا شعري تعلق بك ولاأظن قلبك يرده
لأنه لي الشرف أوقف وأنا في حضرة الأمجاد
يامجد(ن) عانق الغيمة وقاد الكون من يده
محمد بن عيسى الوادعي