كفه الغيم واسمه للفرح يزهى

الوطن رايته بالعز مرفوعة
والمشاعر على شانه نطرزها
والقصيد بغلاه يزين موضوعة
والحروف بعقود الحب نبرزها
ظلنا منبت الخيرات بفروعة
مهبط الوحي والسنة ومركزها
موطن أمجاد والأمجاد مسموعة
في قلوب الملوك اللي تعززها
تحت ظل أبومتعب تثمر زروعه
حاكم عانق العليا وجاوزها
وأبو خالد سيوف العز ودروعه
صورته في عيون الشعب بروزها
لا امر كلنا نمشي على طوعه
والمهمات لاجل رضاه ننجزها
نحمد الله على شوفته ورجوعه
تو الأفراح غنت له بموجزها
تزهر أرض الوطن لاعاد لربوعه
وتفرح أطفالها وأكبر عجايزها
سيدي نهر جود وخير ينبوعه
كفه الغيم واسمه للكرم يزها
كم ضعيف تحدى بالعطاء جوعه
والمكارم بفعل الطيب عجزها
وكم يتيم مسح في كفه دموعه
طيبته تصعب القيفان تفرزها
وكم كفيف بعطفه يشعل شموعه
فضل جوده خذى جملة جوايزها
نادر سيدي سلطان في نوعه
فاز بأوصاف كل المجد وأحرزها
سعد الجميلي