البشارة

ياسيدي والشعر من ما جاه في غيبتك جاك
يزحف على خد الورق ما ضيقه ضيق السطور
كل الفضى غيمه تسارع قبل تمشي بك خطاك
ساقت على الأرض البشارة وانبتت فيها الزهور
والجيش وقف صف واحد ينتظر بسمة شفاك
وان لوحت كفك عطيت الجيش تصريح العبور
روح انشد الحد الجنوبي بعد ما وقف نخاك
قاموا جنودك حسب قولك في ميادين الحضور
من باسهم في صفهم ما هزهم غيبة نباك
على الوفى باقين يا سلطان من ماضي العصور
قالوا لك احلم يا طويل العمر والدنيا فداك
اما رفعنا النصر ولا جعلنا قوت القبور
حنا خلقنا نرفع الرايات ما منها فكاك
حنا خلقنا ل التقدم ما خلقنا للدبور
واليوم جيت وجيتك ما تشبه إلا كبرياك
والارض من تحتك معالمها يشكلها السرور
والناس ما تدري تهني رجعتك ولا لقاك
حتى عبارات الفرح ضاقت بها وسع الصدور
يا جعل لبس العافية غاية رضاك ومنتهاك
يا جعل شعر (ن) ما يدون فيك يوقف في النحور
مازن الهذلي