لالئ شعرية

صحيح احبك وانت والله تنحب
لكن هذاك احرق فؤادي واذابه
وش غير الدنيا وهي جدها لعب
وبدل بشمس الضحك ليل الكأبه؟
لاقبل علي بضحكة تسرق اللب
فتحت له قلبي وشرعت بابه
مشي السحابه لاتريث ولا خب
سبحان من خلى النقيض يتشابه
ولا والذي غيره حشا مالنا رب
كنه وقف والأرض تحته سحابه
لو ما تثنى ما دريت الهوي هب
ترف يميله الغنج والذاربه
تفاح فتنة في محياه وعنب
أجوع له واظما ظماه وشرابه
عين اشقرا ماطار صيده ولا طب
ضاقت عليه من الرعاب الرحابه
حر يذب الصيد من مخلبه ذب
في نظرته عز وجمال ومهابه
إليا شلع كنه حجر والسما جب
يهوي بها كن الصعود اجذابه
والليل وكن الليل في شعره صب
شلال من فوق المتون انسكابه
والكلمه اللي بالهوى مالها طب
لا أنت بسما حبه ولا في ترابه