شقى العمر

هلا مرحبا باللي له القلب مليان
من الشوق والأشواق حالي عناوي
غدينا على عودٍ مع الهم شقيان
وأنا ما بغيت أبوح سدٍ هواوي
شقى العمر فيني والشقا معك رويان
تجمل على باقي حياتي مداوي
ترا طبكم يرد روحٍ لي مرضان
على الهون يا دكتور قلبٍ شقاوي
انا ما ابي اشرب دوا غيرك انسان
ولا ابي وصفة للناس فيها تساوي
خذ العلم مني والردى معك ندمان
دروب المهاوي ما نجيها بلاوي
تحوم السباع ومن تحداك خسران
على مركزٍ ما فيه غيرك نداوي
تهنا تهنا وطربه عذب الأشجان
ترى هقوتي تاصل بعيد الهقاوي