لوعة الحب

الحب جمر ويحرق القلب حَرّه
ياللي سألتيني عن الحب بالهون؟!
كم هايمٍ قد ذاق حلوه ومرّه
في زُمرة العشاق مرمي ومفتون
وكم ساهرٍ بالليل صوته يجرّه
لأجل الهنوف اللي لها القلب مرهون
الحب دهور كل فارس وحُرّه
ومن الفراق وطاري البعد يبكون
الحب يبغى له سلومٍ تقرّه
والا بيصبح بين شكّات وظنون
راع الهوى يبغى كلامٍ يسرّه
عهدٍ وميثاقٍ وبالعهد توفون
صديقتي ما آرضى عليكم مضرّه
أهل الهوى من لوعة الحب يشكون
الحب انا جنّبت خيره وشرّه
له مدّةٍ في داخل القلب مدفون
شعر الغزل يابنت ما ابغى نمرّه
يكفي شقى قلبٍ به احزان وطعون