فداك العمر

حماك الله من صدوف الليالي والتعب والآه
عسى اللي فيك من ضيقة زمانك ينتقل فيني
فداك الروح ياروح القصيد ونبضه ومعناه
فداك العمر يانبض الحياة وأجمل سنيني
ترى قلبي من اوجاع التجافي جاه ماكفّاه
طلبتك لاتقول اللي تقوله،، كان تغليني
انا من لي بهالدنيا اليامن رحت،، ياويلاه
دخيلك كانها تنفع،، دخيلك لاتبكيني
انا مالي سوى قلبك ليا ضاقت على انصاه
عسى الله لايقوله،، لو فقدتك من يواسيني
من اللي يحتضن همي وتهدى روعتي بحماه
بعدك اليا رحلت بذمتي محدٍ يعزيني
هماك تقول لعيوني لو ابغى الكون تتحداه
تحدى نفسك بنفسك،، وحاول ماتخليني
تصدق دون مااحلف لك،، او احلف لك قسم بالله
تخيلتك تخليني صحيح،، ودمعت عيني