بين شاعرتين

صوت
الصمت في بعض التفاصيل واشي
وش وقّع المكنون في قبضة الواش
سنابلي كانت تغيض العطاشي
ما تشرب الما وان شكت شكوة عطاش
تكلمت فآخر فصول ال... ولا شي
عن نبعها اللي مدته مدة اللاش
عن جمرها اللي يقضمه برد جاشي
عن حلمها اللي قد ما ضمته طاش
هذي الوسايد والغطا والفراشي
جمرٍ يحسه من رمى الضيق بفراش
مرت سنين وهالقدم غصب ماشي
واللي جنيته من لظى خطوتي ماش
راح العمر والقلب يطرد بلاشي
حقه يدك حصون ياسه اذا عاش
الشاعرة/ وصايف تهامية
وصدى
الصمت وقّظ حس الاحساس ناشي
يا ملهمة صدري من الضيق لاعاش
عشت الحياة وكم خذاها غباشي
والنور في صحوة ظلامه بالانعاش
الدرب لايام التنهات راشي
والعلم في سر النوايا معه جاش
غاية مراد وما لحقت به حواشي
بس الظروف اللي تهنّت على ماش
العمر في طرد المقفين ماشي
عوّد حصونه تاخذ الياس خفاش
والواش لاجل الجاش للوضح واشي
خيّب ظنون مْن الملمّات وانحاش
مر الكتاب وسالفتنا كباشي
ولا الفدا ياخذ من احداقنا كاش
النوم غادر يا وصايف فراشي
والما يلم شتات والصبر معتاش
ويوم الوسايد عبرت بالعراشي
حلم السنابل مع مراسيلها شاش
في راحتينه لهفتي وانتعاشي
نبض ويلازم في صدى الصمت غشاش
مدري وش اللي يستفيده نقاشي
يا بنت يكفي كل مابان هشّاش
الشاعرة/ بوح الحنين