غريب

انطوي في ذرى صمتي غريب بزماني
احطب اوطان واشعل في المنافي غلاها
كل مايل على ذكر الحنين استواني
(وحدة المغترب) سال التعب واكتساها !!
للقهر يا ال»فقر « وشلون ذيبك «عواني «
لحِّف الجوع نفسٍ طيبها من «حياها»
وش يقول الغياب اللي جلس في مكاني
لاعتزيت بظروفي واكتنفني شقاها
الفراغ المدوّن في سجلّ الاماني
صفر يعني «نهاية» وانتظر وش وراها ؟
«ضيقة البال» دهراً كان ذاك التفاني
وين راحت سنيني ياترى من خذاها؟
ارجعي من شتاتي واجمعيني «أغاني»
انثريني طيور وهجّي اسمي « سماها «
في زوايا الاماكن شكليني «معاني «
رتبيني قصايد « للبقا» من قراها
استفزي بتحريك «الأسى» في جناني
كل جمرة «قديمة» بحترق في لظاها
لونّي بالحكايات انبهار الثواني
وصّلي رفرفات الهيجنة منتهاها
ذكريني ب آتي ودّي اذكر واعاني
وانسكب ف الحروف ويرتفع مستواها
حزني اول بداية للشعور بكياني
عالمي هو «جراحي «واغترابي مداها
من يدين الليالي كل سهمٍ رماني
كل نبضة خفوق تصيح .. موتي صداها
من لهيب المواجع كل ميسم كواني
واسألي كل وجهة همّ دربي وطاها
كل مركب مهاجر لل غرق قد خذاني
كل رحلة ضياع تسوق رجلي معاها
ضيقة البال «يمّي « لازم ارجع مكاني
في مدامع «جريحٍ « يشرب «الوقت» ماها