الحلم

أشوف بعيونك سواليف واشواق
واغظ عنك الطرف قبل انهزملك
لو كنت في حبك تعديت الآفاق
هذاك يومي اتبع القلب وامْلك
والشوق فيني مثل مافيك برّاق
لكن نهيت القلب عن لم شملك
قفّت سنين العمر في لحظة اخفاق
والوقت في وجهي سفا حب رملك
دربٍ قطعته عقب هجران وفراق
ماعاد ينفع صاحبك ينسجملك
وعيونك اللّي تشبه الصبح لافاق
ذكرى زمانٍ فات كم لي؟! وكم لك؟!
جرحك قديم وثابتٍ وسط الاعماق
وحبي يتيم ولو بصدق ابتسملك
شبه السهر والحزن مثلك والارهاق
وحلمك انا والحلم ابد ما نقسملك