يا حظ

كانك غاديٍ بغن أقديك
أرحم نفوسٍ مسلمه تلعب أبها
شف فعلك اللي تفعله راحت أيديك
جريمةٍ في حقنا ترتكبها
تبيعنا بالسوم الاول ونشريك
ونلفي دقايق ساعتك في طلبها
ونمدحك لا جابوا مع الخلق طاريك
ونقول لك كل السعاده جلبها
يعني على ماقيل دهنه نداريك
مانقربك من نارنا مع لهبها
ووحيدنا لو تطلبه بيضة الديك
يجيبها لا قلت له يوم جبها
أخذت منا بالليالي ونعطيك
واللي تعبت لك ماتعوض تعبها
ماباقي الا صوب مكه نوديك
ونارك تشبه وأنتكفل حطبها
ووجيهنا متحفيه من بلاويك
ما تبتسم وقت اللقا ونغصبها
ومع كل هذا باقيٍينٍ نباريك
لوك تبي حلب الطيور نحلبها
ماهو بحبٍ بك ولا طمعتٍ فيك
مير القدر وزع حظوظ وكتبها