قلب ينزف

عليك ظل الضلوع العوج يا قلب ورف
وانا ضلوعي كفو لو صدمتك كايده
تحمّل الهم وظروف الزمن، ظرف ظرف
وشلها سوات الجمل بحموله الزايده
ما عند مثلي لبعض الناس بالسوق صرف
فنجال وصله يرَدّ ودلّته صايده
يا حلو يا زين يا مملوح يا اشقر يا ترف
خسارتي فيك درس وطعنتك فايده
والملح لو شفته بعيني اليا مرّْ ذرف
دمعة كبيرٍ فقد أَعزّ بدايده
على شفا غبن رجل وقلب ينزف وجرف
انهرت في طعنتين بكرت معايده
والله ما هو جهل منّي ولا قِل عرف
لكنّها من الثّقه والطيِبه الزايده
والشاعر اللي بخل في غيرك يقول حرف
لا وآحسافة عليك اليوم قصايده