سيرة العشق

ياللي عليك القلب يكفخ بلا ريش
و اشغلت تفكيره و نبضه وسمعه
خلاص من بعدك هجرت المطاريش
ولا عاد لي في سيرة العشق طمعه
سمحت من سكة هل الغي والطيش
من يوم خابت فيك رمعه و رمعه
لو جيت و مزون المواصل مراهيش
ما شاقني غيمك و برقه ولمعه
لو يوعد الضامي قراح المعاطيش
و على جفاف العاطفه هل دمعه
النفس طابت و انت يا ابو العكاريش
سجدت ل فراقك شكر يوم جمعه
روّح زمان ابو الثمان المباهيش
اللي يصون العهد لو تم قمعه
هذا زمان الفرفشه و الفرافيش
ما ينعرف زوده و طرحه و جمعه
تلقى مؤشر حبهم بالبخاشيش
من غير كرت الشحن جوال دمعه
ما يعرفون حكاية الملح والعيش
و لا ضُوو ل سلوم الاجواد شمعه
ما يناسب اللي يعشق الخيل والجيش
اللي على درب الوفا ذاب شمعه
ما يعشقونه غير روس الدراويش
و انا رجل شيمه و قيمه وسمعه