جزل الطيب

يا سعود فيك الجود يا سعود موجود
الجود فيك ومنك يا سعود ساسه
نايف ومن نايف بك الطيب مولود
أخذت جزل الطيب من طيب راسه
يا سعود طيبك ماله إقياس وحدود
ولا هو غريبٍ منك توفي قياسه
على عموم الناس من غير محدود
كبير ولا صغير تضفي لباسه
ولا هو غريبٍ منك يا عالي إجدود
إسمين نفس الاسم وأهل الفراسه
واللي لهم فالمجد تاريخ مشهود
بوقتٍ تجلّت فيه هاك الحماسه
وانته على درب المسمين مقصود
فيك الأمل والخير منك إقتباسه
وحبل الرجا في شخصك الفذ ممدود
والجود فيك أساس ماجا دراسه
وفيك العدل والحلم والفكر مرصود
وحجم الأمر دايم تروسه إرياسه
وتسود رايٍ صعبٍ يصير مسيود
إلا لمثلك لين تجلي إعماسه
ما قمت به يا سعود ما عنه منشود
شوف العيون ولا يبي له إعساسه