لآلئ شعرية

تصدق .. ضرسي الثابت خلعته لو غزاه السوس
اجل وشلون ما اقلع شجرة شفت الردى فيها
انا عندي حقايق تحلق التضليل مثل الموس
صحيفتنا نظيفة وانت خابرها وقاريها
ليا عذرب بغيبتنا الردي الحاقد الدنفوس
ترفعنا وخلينا الردية عند راعيها
وانا من مدرسة جدي وابوي قد حفظت دروس
دروس لو تحدتنا الليالي ما نخليها
وانا صيتي وطيبي ما شريته يا الردي بفلوس
ورثته من شيوخ تاخذ الحشمه وتعطيها