لوحة

ياخبل الحسود اللي على ماش يحسدني
امد الوفا والقرب والقى الجفا والبين
ودنياي عن ما يسعد القلب تبعدني
وعلى قد ماني خايف افقد من الغالين
ولا فيه احد يهتم لو كان يفقدني
وانا لو بقول إن البشر كلهم غادين
فلا شك مخطي واكثر الناس ينقدني
ولكن حظي جابني في المكان الشين
ويمكن خطاي إني معي قلب قيدني
جبرني وقمت اشتاق وانشد عن المقفين
ولا شفت أحد منهم عن الحال ينشدني
وأنا خابرٍ تبع المقفين ماهو زين
ولكن قلبي للجفا ما يساعدني
ليا جيت اسوي مثلهم قال رايح وين
وحذرني اسباب القطيعه وهددني
وانا علتي من قلبي الطيب المسكين
يمد الوفا للناس لو كان تجحدني
ولا لي رجا في الناس من بعد صبر سنين
عسى الله على صبري بالإحسان موعدني
عبد الله الطلحي