الفراق الصعيب

محمد بن حوقان يرثي والده حوقان المالكي الذي وافاه الأجل المحتوم قبل اسبوعين .. غفر الله له==1==
يا ابوي وين انت غايب؟! عادتك ما تغيب==0==
==0==غريبة افقد حضورك بين كل الرجال
العادة القاك في صدرالمكان الرحيب==0==
==0==والعادة اسمع تراحيبك تهز الجبال
وين انت يا اللي فراقك لوعةٍ ما تطيب==0==
==0==يا عزوتي يا ظلال ما بعدها ظلال
اذكر وانا طفل كنت تقول خلك لبيب==0==
==0==وافهم علوم النشاما والليالي طوال
يا زينها من لسانك قولة ( الذيب ذيب )==0==
==0==وترى العَوج ما يعيّب في رقاب الجمال
اصحى وفي خافقي كلمة صداها رهيب==0==
==0==واسمعك تنده بصوتك يا محمد!! تعال
ترى الرخامة دنس والبخل والذل عيب==0==
==0==وترى المراجل ماهي فالثوب ولاّ العقال
والرامي اللي يغمض لو رمى ما يصيب==0==
==0==ومن لا شرب من صفا الهداج يروي حثال
وترى الاجاويد صحبتهم شهامه وطيب==0==
==0==ولا يكسب الطايلات الا صدوق الفعال
للصبر عن شوفتك يا ابوي طعمٍ عجيب==0==
==0==ياشين صبري على فرقا كريم السبال
يا جعل قبرٍ يضم اكبر جبل ما يخيب==0==
==0==من نفح طيبك وجودك يا عظيم الجلال
دوب اعرف اليوم وش معنى الفراق الصعيب==0==
==0==توي تعلمت وش يعني تموت الأمال
يا فزعة المستجير ولو على اقرب قريب==0==
==0==يا مرتكي للمهمات العظام الثقال
الله لو شفت ربعك في الوداع المهيب==0==
==0==افواج كنك تناديهم ليوم النزال
الهم يغمد سيوفه في جروح الصويب==0==
==0==والصبر في الخاطر المكسور ماله مجال
همّ ٍ مخاليبه اقوى من علاج الطبيب==0==
==0==كن الحنايا تناشط بين سمر الجبال
يا ابوي منتب على اصحاب المقابر غريب==0==
==0==كم زرتهم بالنهار وفي ظلام الليال
لو يستطيعون قالوا مرحبا بالحبيب==0==
==0==الغالي اللي غمرنا بالدعا والسؤال
دنيا بلا شوفتك يا جعلها للذهيب==0==
==0==عسى ترابٍ يضمك ما يجيه الزوال
صحيح اذا كان كلٍ له من اسمه نصيب==0==
==0==( حوقان ) حآق المراجل بالوفا والكمال==2==
محمد بن حوقان