كان بيت الأسبوع الماضي للشاعر عبدالكريم بن خزيم من البكيرية ويقول: ياللي علينا تحبكون الأشاعات كذباتكم عبر الفضاء تزحم الكون وكانت الاصداء من الشعراء حول هذا البيت: لاتخدعون الناس في كل الاوقات الناس ماتقبل سفيه ومجنون لاتنقلون اخبار بالعلم ظنات ترا الذي يكذب تواليه مغبون ترا كلام الصدق يدخلك جنات واحرص على قولك على طول موزون علي الرشيد - رياض الخبراء يبثها حاقد يسوي حزازات ويصدّقه سطحي مع اللي يقولون كنّه مبشر ناجحٍ في اختبارات لسانه على بث الاشاعات ملسون لو تبحث المصدر لقيتوه بالذات من ناس اسافل عندهم حقد مدفون سعود بن عبدالعزيز الهزاع - نعام ياهيه يالي تبعثون الدعيات يالي تعقدون العقد سم مدفون حنا رجال مانهاب التفاهات ونرد كيد المعتدي بأخر الكون لو كان زود حط فيها متاهات الزيف يكشف ياوكالة يقولون حمد عبدالله الوايلي - حوطة سدير يا ما سمعنا من كثير الروايات اللي مصادرها وكالة يقولون تبي بصواحة لا تحري الحقيقات اسمع وخل الصدق مهوب مضمون ايلى نقلته يلحقك منه شرهات وفتحت باب الكذب لا اللي يزيدون غنام مسعود القريني - نعام أقول أنا يا شينها من حكايات يا ما زرعت الشر وراعيه ممهون راحت نفوس(ن) والسبب هالوشايات يا ليتكم يا ناس عنها تتوبون واللي مضى خلوه وامحوا الخطيات لت واهني اللي على الخير يمشون محمد عبدالعزيز الخنيفر - أشيقر حنا شموخ العز عند الملمات نقطع وريد الخصم وابليس ملعون قاداتنا والشعب رمز البطولات يا مروجين الهرج تخسون تخسون علي الزولاني الفيفي - بيشة كل يوم نسمع يا جماعة الدعايات هو البشر من كذبهم ما يملون ليا دعوت الحي من ضمن الأصوات واحيو لهم مييتن له اسنين مدفون عيب نسمع هرج أهل الرديات واللي على نشر الأقاويل مفتون حميد خلف العوادي العنزي العاقل اللي ياخذ العلم بإثبات ماله ومال اللي على الكذب يمشوّن عبر الفضاء ما ياخذالعلم ساعات الا ويدخل كل بيت ويدرون الكذب حرّمْ وانزل الله آيات والله عطاك العقل واذان وعيون عثمان ابراهيم الرشيد - الرياض حن مانطيع مورجين الاشاعات حناء سعوديين وانتم تعرفون حناء سعوديين قله سلامات هرج الاعادي نتركه لويقولون سعد صنهات السهلي - الدرعيه يا زارعينن للفتن والخيانات خنتوا الضماير للأسف كيف ترضون هذا الفعل مرفوض وفيه الجنايات وأنتم على هالحال للشر تسعون سرتوا على مع القشر والدعايات والفكر ضايع وأنتم اليوم تدرون ريان محمد الخنيفر - الرياض ماهمّنا كِثر الحكي والدعايات العِز لنا مضمُون والناس يدرون لنا بدرب الخير عِزه أوْ رايات وانتم بدرب إبْليس والشر تسعون فهد بن عقيل الطويان - بريده بيت الاسبوع يكتبه للصفحه الشاعر سعود عبدالعزيز الهزاع من نعام حول خطر بعض من يقومون بتوصيل الطلبات للمنازل ويقول: لا تطلب التوصيل من راع دباب مكمن خطر للخادمة والبزارين نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس 4871070/ 011
